15-12-2016 அன்று காலை 10-00 மணிக்கு AIBSNLPWA சங்கத்தின்  சார்பில் கோவை மாவட்ட ஆண்டு பொதுக்கூட்டம் , தமிழ் மாநில மாநாட்டில் சிறப்பாக பணியாற்றிய செயல் மறவர்களுக்கு பாராட்டு மற்றும் ஓய்வூதியர் தினம் என " முப்பெரும் விழா " THOMAS HALL - ல் மிக சிறப்பாக நடைபெற்றது.
எத்தடை வந்தாலும் அத்தடையை தாண்டி நம் சங்கம் வெற்றிநடை போடும்  என்ற கோட்பாட்டிற்கேற்ப    விழா துவக்கத்தில் சிறிது நேரம் மின்தடை ஏற்பட்டபோதிலும் ,  மைக் இல்லாமலேயே பல பேச்சாளர்கள் பேசினார்கள் 
சுமார் 165 உறுப்பினர்களுக்கு மேல் கலந்து கொண்டு சிறப்புச்செய்த விழாவாக மிளிர்ந்தது.
தலைவர் தோழர் குருசாமி தலைமை தாங்கினார்.மாவட்ட செயலாளர் தோழர் R .திருவேங்கடசாமி விழாவை துவக்கி வைத்து அனைவரையும் வரவேற்று ஆண்டறிக்கையை சமர்ப்பித்தார் .
மாவட்ட பொருளாளர் சார்பில் சமர்ப்பிக்கப்பட்ட பொருள் வரவு செலவு அறிக்கையும் ஒருமனதாக ஏற்றுக்கொள்ளப்பட்டது 
அனைத்திந்திய போஸ்டல் ஓய்வூதியர் சங்க பொதுசசெயலாளர் தோழர் சுதாகரன் பாராட்டி பேசினார்.
தமிழ்மாநில AIBSNLPWA சங்க துணைத்தலைவர் தோழர் C பழனிசாமி , கோவை இணையதள நிர்வகிப்பாளர் தோழர் N .மோஹன் , தோழர் நாகராஜன் கோவை மாவட்ட BSNL கணக்கு தலைமை அதிகாரி,NFTE அகில இந்திய துணைப்பொது செயலாளர் தோழர் SS கோபாலகிருஷ்ணன் , ஈரோடு மாவட்ட செயலாளர் தோழர் ஈஸ்வரன் ,தோழர் சுந்தர் ஒய்வு பெற்ற காவல் துணை கண்காணிப்பாளர் ஆகியோர் பாராட்டி பேசினார்கள் 
தோழர் அர்ச்சுனன் ஓய்வூதியர் தினம் குறித்த தகவல்களை எடுத்துரைத்தார். 
எழுபது ஆண்டுகளைக் கடந்த நம் தோழர்கள் / தோழியர்கள்  கைத்தறி துண்டுகள் அணிவிக்கப்பட்டு பாராட்டப்பட்டார்கள் .அகவையில் முதிர்ந்தாலும் செயல் ஆற்றலில் இளமைத் துள்ளல் உள்ளவர்கள் .வாழ்க ! வாழ்க!!  
மாவட்ட சங்க நிர்வாகிகள் கைத்தறி துண்டு போர்த்தி கௌரவிக்கப்பட்டார்கள் .
ஐந்தாம் தமிழ் மாநில மாநாடு சிறப்பாக நடைபெற கண்துஞ்சாப்பணி ஆற்றிய அனைத்து தோழர்களும், தோழியர்களும் பாராட்டப்பட்டு கைத்தறி துண்டு போர்த்தி கௌரவிக்கப்பட்டார்கள்
ஆர்டி என்று அனைவராலும் அன்புடன் அழைக்கப்படும் மாவட்ட செயலாளர் தோழர் R .திருவேங்கடசாமி , தன் உடல்நிலை காரணாமாக மீண்டும் அப்பணியில் தொடர இயலாமையை கூறினார். அவர் ஆற்றிய பணி ,சங்கத்தை கட்டிக்காத்த விதம் அனைவராலும் பாராட்டப்பட்டது .பின்னர் நடைபெற்ற நிர்வாகிகள் தேர்வில் கீழ்க்கண்ட தோழர்கள் ஒருமனதாக தேர்ந்தெடுக்கப்பட்டனர்.
மாவட்ட தலைவர்           :-      தோழர் குருசாமி ,
மாவட்ட செயலாளர்      :-       தோழர் அருணாச்சலம் 
மாவட்ட பொருளாளர்   :-        தோழர்  ஜெகதீஸ்வரன் .
தேர்ந்தெடுக்கப்பட்ட மாவட்ட செயலர் நன்றியுரை நவில விழா இனிதாக முடிவுற்றது.
விழாவில் படமாக்கப்பட்ட போட்டோக்கள் சில உங்கள் பார்வைக்கு அளிக்கிறோம். விழாவில் பேசியவற்றின் விபரங்கள் அடுத்து வரும் பதிவுகளில் வெளிவரும்.
தங்கத்திற்கு இணை ஏதும் உலோகமுண்டோ? -- எங்கள் 
கொங்கு நாடு சங்கத்திற்கு இணைதான் ஏதும் உண்டோ?

                   மற்றவை அடுத்தப்பதிவில்